Dəniz limanı yaxınlığında yol-nəqliyat hadisəsi

Yüksək sürətlə hərəkət edən avtomobil qəza törədib, xəsarət alanlar var. Avtosfer.az-ın ONA-ya istinadən xəbərinə görə, hadisə Nəsimi rayonunda, Dəniz limanı yaxınlığında baş verib.

Yüksək sürətlə hərəkət edən “Vaz 2107” markalı avtomobil qarşısındakı “Mercedes”-ə çırpılıb. Zərbənin təsirindən “Vaz 2107” deformasiyaya uğrayıb. İçərisində olan sürücü Ceyhun Ağayev və sərnişin bədən xəsarətləri alaraq xəstəxanaya çatdırılıblar. Bundan başqa “Mercedes”-in sürücüsü də üz nahiyəsindən aldığı xəsarətlərlə 1 saylı Kliniki Tibbi Mərkəzə yerləşdirilib.

Faktla bağlı əraziyə Yol Patrul Xidməti və Post Patrul Xidmətinin əməkdaşları cəlb edilib. Avtotexniki ekspertiza təyin edilib. İlkin məlumata görə, qəzaya səbəb C. Ağayevin sürət həddini aşması olub.