DİN Sabirabada baş verən qəza ilə bağlı məlumat yayıb

Daxili İşlər Nazirliyi (DİN) Sabirabad rayonunun Qaratəpə kəndi ərazisində baş verən yol-nəqliyyat hadisəsi ilə bağlı məlumat yayıb. DİN-dən Avtosfer.az-a verilən məlumata görə, fevralın 22-də saat 6 radələrində Sabirabad rayonunun Qaratəpə kəndi ərazisində Beyləqan rayon sakini K.Orucovun idarə etdiyi “Ford Transit” markalı mikroavtobusla Bakı şəhər sakini V.Şamilovun idarə etdiyi “Hyundai” markalı yük avtomobili toqquşub.

Nəticədə K.Orucovun sərnişinlərindən Beyləqan rayon sakini Fuad Şükürov hadisə yerində ölüb, özü və digər sərnişini xəstəxanaya yerləşdiriliblər.

Baş İstintaq və Təhqiqat İdarəsi tərəfindən araşdırma aparılır.

Namiq