Döngədə idarəetmədən çıxan “KIA” işıq dirəyini və dəmir maneələri dağıtdı; sürücü yaralandı - VİDEO

Sumqayıt şəhərində xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 1-də saat 04:10 radələrində qeydə alınıb. Belə ki, hərəkətdə olan “KIA” markalı avtomobilin sürücüsü idarəetməni itirib. Nəticədə avtomobil əvvəlcə işıq dirəyinə, daha sonra isə dəmir maneələrə çırpılıb.

Hadisə şahidlərinin iddiasına görə, qəzaya səbəb sürücünün döngəyə yüksək sürətlə daxil olması olub.

Zərbənin təsirindən avtomobil yararsız vəziyyətə düşüb, sürücü isə müxtəlif dərəcəli bədən xəsarətləri alıb. Əraziyə təcili tibbi yardım briqadası cəlb olunub. Yaralı xəstəxanaya yerləşdirilib.

Faktla bağlı araşdırma aparılır.

Nərmin