Əks yola çıxan “Range Rover” çörək daşıyan avtomobillə toqquşdu - VİDEO

Yevlax rayonunun Xaldan kəndində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 9-da səhər saatlarında qeydə alınıb. Belə ki, hərəkətdə olan “Range Rover” markalı avtomobil çörək daşıyan “VAZ-2104” markalı nəqliyyat vasitəsi ilə toqquşub.

İlkin məlumata əsasən, qəzaya “Range Rover” sürücüsünün əks hərəkət zolağına çıxması səbəb olub. Nəticədə hər iki nəqliyyat vasitəsinə maddi ziyan dəyib. Hadisə zamanı xəsarət alan olmayıb.

Qəza nəticəsində yararsız vəziyyətə düşən “VAZ” evakuator vasitəsilə ərazidən kənarlaşdırılıb.

Faktla bağlı araşdırma aparılır.

Nərmin