Ermənistanda hərbi maşınla minik avtomobili toqquşdu: ölən və yaralananlar var

Ermənistanda hərbi maşınla minik avtomobili toqquşub. Avtosfer.az “Report”a istinadən xəbər verir ki, hadisə mayın 21-də Sünik vilayətində - Meqri-Yerevan avtomobil yolunun 82-ci kilometrliyində qeydə alınıb. “Ford” markalı minik avtomobili QAZ markalı hərbi maşınla toqquşub. Nəticədə 1 nəfər mülki şəxs ölüb, 3 nəfər yaralanıb. Ölən 23 yaşlı Arsvik Voskanyan adlı şəxs, yaralılardan ikisi isə Ermənistan ordusunun hərbçiləridır. Yaralılar xəstəxanaya yerləşdirilib. Faktla bağlı cinayət işi başlayıb.