Əsgərləri daşıyan zirehli maşın aşdı: 9 yaralı

Suriyada səhər saatlarında Türkiyə Silahlı Qüvvələrinə məxsus zirehli maşın aşıb. Avtosfer.az xəbər verir ki, bu barədə DHA xəbər portalı məlumat yayıb. Qəza “Fırat Qalxanı Hərəkatı” ilə terrorçulardan təmizlənən Türkiyə sərhəddi yaxınlığında yerləşən Dabık bölgəsində baş verib. Hadisə nəticəsində 9 əsgər xəsarət alıb. Qəza yolun yağışlı və sürüşkən olması səbəbindən baş verib.

Yaralılar təcili tibbi yardım maşınları ilə Kilis Dövlət xəstəxanasına yerləşdiriliblər.

Onların vəziyyətinin normal olduğu bildirilib.

Namiq