Gəmi qəzası nəticəsində 10 nəfər həlak olub

Britaniya Qərbi Hind adalarında miqrantları daşıyan gəminin qəzaya uğraması nəticəsində azı 10 nəfər həlak olub. Avtosfer.az "Report"a istinadən xəbər verir ki, bu barədə adaların hüquq-mühafizə orqanları "Facebook" səhifəsində bildirib. "Qeyri-leqal miqrantları daşıyan gəminin çevrilməsindən sonra xilasetmə əməliyyatı aparılır. 13 nəfər xilas edilib, sudan 10 cəsəd çıxarılıb", - deyə xəbərdə bildirilib. Hazırda gəminin sərnişinlərinin dəqiq sayı müəyyənləşdirilir.