Gəncədə 18 yaşlı piyadanı avtomobil vurub, vəziyyəti ağırdır - FOTO

Gəncədə piyadanın ağır xəsarət alması ilə nəticələnən yol-nəqliyyat hadisəsi baş verib.

Avtosfer.az-ın "Unikal"a istinadən məlumatına görə, hadisə şəhərin Mirzə Şəfi Vazeh küçəsində qeydə alınıb.

Belə ki, hərəkətdə olan "Hyundai" markalı avtomobil yolu qarşı tərəfə keçmək istəyən 2008-ci il təvəllüdlü Ü.Pənahovu vurub. Qəza nəticəsində ağır bədən xəsarətləri alan gənc dərhal xəstəxanaya yerləşdirilib. Həkimlər yaralının vəziyyətinin ağır olduğunu bildirirlər.

Hadisə yerinə polis əməkdaşları cəlb olunub.

Faktla bağlı araşdırma aparılır.