Gəncədə piyadanı avtomobil vurub

Gəncə şəhərində piyadanın xəsarəti ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə şəhərin Kəpəz rayonu ərazisində qeydə alınıb. Yolu qarşı tərəfə keçmək istəyən 60-65 yaşlı piyadanı avtomobil vurub. Müxtəlif bədən xəsarətləri alan piyada xəstəxanaya yerləşdirilib. Onun vəziyyətinin kafi olduğu bildirilir. Faktla bağlı araşdırma aparılır.