Gəncədə qadını maşın vurub

Gəncə şəhərində piyadanın xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, təqribən 50-55 yaşlı qadın Əziz Əliyev küçəsində yolu qarşı tərəfə keçmək istəyən zaman onu maşın vurub. Müxtəlif bədən xəsarətləri alan piyada elə hadisəni törədən sürücü tərəfindən xəstəxanaya çatdırılıb.

Faktla bağlı araşdırma aparılır.