Gəncədə sərnişin avtobusu qəzaya uğradı; polislər köməyə getdi - YENİLƏNİB - FOTO

Gəncə Şəhər Baş Polis İdarəsinə şəhər ərazisində şəhərdaxili sərnişindaşıma ilə məşğul olan avtobuslardan birinin aşması ilə bağlı məlumat daxil olub. 

Bu barədə Avtosfer.az-a DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov məlumat verib.

Onun sözlərinə görə, dərhal polis əməkdaşları hadisə yerinə gələrək avtobusda olan sərnişinlərin çıxarılmasında və digər zəruri araşdırmalar aparılmasında iştirak ediblər. 

“Hadisə nəticəsində xəsarət alan olmayıb. Faktla bağlı araşdırma aparılır”.

***

Gəncədə yol nəqliyyat hadisəsi baş verib. Avtosfer.az-ın məlumatına görə, hadisə şəhərin çıxışında, Nizami Gəncəvi məqbərəsinin yaxınlığında qeydə alınıb. Hərəkətdə olan 23 saylı xətt üzrə işləyən sərnişin avtobusunun yoldan çıxaraq dərəyə aşdığı bildirilir.

İlkin məlumata görə, xəsarət alanlar var.