Gəncədə yol qəzası nəticəsində iki uşaq xəsarət alıb - FOTO

Gəncə şəhərində xəsarətlə nəticələnən yol qəzası baş verib. Avtosfer.az-ın "Report"a istinadən məlumatına görə, şəhərin Şah İsmayıl Xətai prospektində Hikmət Abbaslının idarə etdiyi "Mercedes" markalı avtomobillə Vüsal Mamedovun sükanı arxasında olduğu "Zaporojets" markalı avtomobilin toqquşması nəticəsində 9 aylıq və 7 yaşlı uşaqlar xəsarət alıb. 2012-ci il təvəllüdlü Həsənov Hüseyn Qədir oğlu və 2018-ci il təvəllüdlü Mamedova Şahnaz Vüsal qızı Gəncə şəhər 2 saylı Uşaq Xəstəxanasına yerləşdirilib. Faktla bağlı araşdırma aparılır.