Gəncədə yol qəzası: xəsarət alanlar var - FOTO

Gəncə şəhərində yol qəzası baş verib. Avtosfer.az-ın "Report"a istinadən məlumatına görə, hadisə şəhərin Nizami küçəsində qeydə alınıb. "VAZ-2107" və "Hyundai" markalı avtomobillər toqquşub. Nəticədə iki nəfər xəsarət alıb. Hər iki avtomobilə ciddi ziyan dəyib. Avtomobil qəzası zamanı, 1982-ci il təvəllüdlü Kamil Oktay oğlu Mahmudov və 1995-ci il təvəllüdlü Əmrah Azad oğlu Kərimzadə müxtəlif dərəcəli bədən xəsarətləri alıblar. Yaralılar Gəncə şəhər Təcili Tibbi Yardım Xəstəxanasının Travmatologiya şöbəsinə yerləşdiriliblər. Onların hər ikisinin vəziyyətinin kafi olduğu bildirilir.

Faktla bağlı araşdırma aparılır.