Gəncədə zəncirvarı qəza olub

Gəncədə zəncirvarı yol qəzası baş verib. Avtosfer.az-ın APA-ya istinadən məlumatına görə, hadisə şəhərin Xətai prospektində qeydə alınıb. Emin Əliyevin idarə etdiyi “Hyundai” markalı maşınla Ariz Rəhimovun idarə etdiyi “Naz Lifan” markalı avtomobil toqquşub. Daha sonra “Naz Lifan” yol kənarında dayanan “VAZ-21011” markalı avtomobilə çırpılıb. Qəza nəticəsində xəsarət alan olmasa da hər üç avtomobilə ziyan dəyib. Faktla bağlı araşdırma aparılır.