Goranboyda avtomobil qəzaya uğrayaraq yandı: ölənlər var

Goranboyda yanğınla və ölümlə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə rayonun Borsunlu kəndində qeydə alınıb.

"Ford" markalı 20-CH-879 dövlət nömrə nişanlı avtomobilin 1978-ci il təvəllüdlü Nemət Süleyman oğlu Məmmədovun idarə etdiyi, 09-BL-987 dövlət nömrə nişanlı "Mercedes" markalı yük maşınına çırpılması nəticəsində minik avtomobilində yanğın baş verib. Nəticədə şəxsiyyətləri hələlik məlum olmayan 2 nəfər hadisə yerində yanaraq ölüblər.

Hazırda ölənlərin şəxsiyyətləri dəqiqləşdirilir.

Faktla bağlı araşdırma aparılır.