Goranboyda həkim maşınla 11 yaşlı qızı vurdu - VİDEO - YENİLƏNİB

Goranboyda piyada yol qəzasında xəsarət alıb. Avtosfer.az-ın məlumatına görə, hadisə rayonun ərazisində baş verib. Bakı şəhər sakini 2014-cü il təvəllüdlü Z.Bayramova yolu keçmək istəyən zaman avtomobil onu vurub. Piyada xəstəxanaya yerləşdirilib, vəziyyətinin kaf  olduğu bildirilir. Faktla bağlı araşdırma aparılır.

***

Goranboyda Bakı şəhər sakini 2014-cü il təvəllüdlü Z.Bayramovanın xəsarət alması ilə nəticələnən yol nəqliyyat hadisəsinin bəzi təfərrüatları məlum olub. Məlumata görə, marketlərin birinin qarşısında yolu keçmək istəyən yeniyetməni Goranboy Rayon Mərkəzi Xəstəxanasının həkimi Kəmalə Abdullayevanın idarə etdiyi “Nissan” markalı minik avtomobili vurub. Piyada xəstəxanaya yerləşdirilib, vəziyyəti orta ağırdır.

***

Bu gün saat 11:05 radələrində Goranboy rayonunda baş verən yol-nəqliyyat hadisəsi səbəbilə xəsarət alan 2014-cü il təvəllüdlü (qadın cinsli) azyaşlı Goranboy Rayon Mərkəzi Xəstəxanasına hospitalizasiya olunub. Bu barədə TƏBİB-dən xəbər verilib. Ona alın və təpə nahiyəsinin hematoması, qarın və diz nahiyəsinin sıyrılmış yaraları diaqnozu təyin edilib. Qeyd edilib ki, hazırda pasiyentin müalicəsi xəstəxananın Təcili tibbi yardım şöbəsində davam etdirilir. Vəziyyəti orta ağır, stabil olaraq qiymətləndirilir.