Goranboyda qəza: 2 qardaş xəsarət aldı - YENİLƏNİB

Goranboy rayonu ərazisində baş verən yol-nəqliyyat hadisəsi zamanı xəsarət alan şəxslərin vəziyyəti məlum olub.

Tibbi Ərazi Bölmələrini İdarəetmə Birliyindən (TƏBİB) bildirilib ki, qəza nəticəsində xəsarət alan iki nəfər (kişi) sentyabrın 2-də saat 20:10-da Goranboy Rayon Mərkəzi Xəstəxanasının (RMX) Təcili tibbi yardım şöbəsinə hospitalizasiya olunub.

"Müxtəlif bədən xəsarətləri alan pasiyentlərə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar", - deyə məlumatda bildirilib.

Xatırladaq ki, ötən gün Goranboyun Zeyvə kənd sakini, 1996-cı il təvəllüdlü Nuravi Kərimov VAZ-2106 avtomobili 1987-ci il təvəllüdlü, Səfükürd kənd sakini İnarə Həsənovanın "Chevrolet" markalı maşını ilə toqquşmuş, nəticədə iki qardaşın xəsarət aldığı bildirilmişdi./oxu.az

***02 sentyabr, 23:08

Goranboyda baş verən yol-nəqliyyat hadisəsində 2 qardaş xəsarət alıb.

Avtosfer.az Report-a istinadla xəbər verir ki, hadisə rayonun Goran yolu adlanan ərazisində qeydə alınıb.

Belə ki, Zeyvə kənd sakini, 1996-cı il təvəllüdlü Nuravi Kərimovun idarə etdiyi "VAZ 2106" markalı avtomobil 1987-ci il təvəllüdlü, Səfükürd sakini İnarə Həsənovanın idarə etdiyi "Chevrolet" markalı maşınla toqquşub.

Qəzada N. Kərimov və onun qardaşı, 1999-ci il təvəllüdlü Namiq Kərimov müxtəlif dərəcəli bədən xəsarətləri alıblar. Hadisə yerinə yol-polisi əməkdaşları cəlb olunub.

Faktla bağlı araşdırma başlanılıb.