Göyçayda AĞIR QƏZA: 4 nəfər xəsarət aldı - FOTOLAR

Göyçayda 4 nəfərin xəsarət alması ilə nəticələnən zəncirvari yol qəzası baş verib.

Avtosfer.az metbuat.az-a istinadən xəbər verir ki, hadisə rayonun Heydər Əliyev prospektində qeydə alınıb.

"VAZ-2107", "VAZ-2105" və "Hyundai Sonata" markalı minik avtomobilləri toqquşub. Qəza nəticəsində 4 nəfər müxtəlif dərəcəli bədən xəsarətləri alıblar.

Yaralılar təcili olaraq Göyçay rayon Mərkəzi Xəstəxanasına çatdırılıb. Hadisə yerinə hüquq-mühafizə orqanlarının əməkdaşları da cəlb olunub.

Faktla bağlı araşdırma aparılır.