Göyçayda avtomobil aşıb, xəsarət alanlar var

Göyçayda avtomobilin aşması nəticəsində xəsarət alanlar var.

Avtosfer.az "Report"a istinadla xəbər verir ki, hadisə rayonun Xəlitli kəndi ərazisində qeydə alınıb.

"Opel" markalı avtomobil hərəkətdə olarkən sürücünün qəfil idarəetməni itirməsi nəticəsində maşın yoldan çıxaraq aşıb.

Hadisə nəticəsində avtomobildə olan 3 nəfər müxtəlif dərəcəli bədən xəsarətləri alıb. Onlar təcili tibbi yardım avtomobilləri ilə Göyçay Rayon Mərkəzi Xəstəxanasına çatdırılıblar.

Qəza zamanı avtomobilin yol kənarındakı qaz xəttini zədələməsi səbəbindən kəndin qaz təchizatında fasilə yaranıb.

Faktla bağlı araşdırma aparılır.