Göyçayda iki avtomobil toqquşdu: yaralılar var

Göyçay rayonunda yol qəzası baş verib. Avtosfer.az-ın "Report"a istinadən məlumatına görə, hadisə bu gün günorta saatlarında Göyçay-Lək avtomobil yolunda qeydə alınıb. Belə ki, Göyçay rayonunun Bığır kənd sakini Şəmsəddin Kərimovun idarə etdiyi minik avtomobili qarşıdan gələn 44 yaşlı Kamran Məmmədovun idarə etdiyi minik maşını ilə toqquşub. Nəticədə hər iki sürücü müxtəlif dərəcəli bədən xəsarətləri alıb. Yaralılar Göyçay Rayon Mərkəzi Xəstəxanasına aparılıblar.

Faktla bağlı araşdırma aparılır.