Göyçayda iki maşın toqquşdu: xəsarət alanlar var

Göyçay rayonunda iki minik maşını toqquşub. Avtosfer.az-ın "Report"a istinadən xəbərinə görə, hadisə bu gün axşam saat 20:00 radələrində Göyçay-Ucar yolunun 9-cu km-də, rayonun Çərəkə kəndi ərazisində qeydə alınıb.

Göyçay istiqamətində hərəkətdə olan rayonun 29 yaşlı Yeniarx kənd sakini Abdullayev Saleh Əmiraslan oğlunun idarə etdiyi "İnfiniti" markalı minik maşını qarşı tərəfdən gələn 21 yaşlı Xəlitli kənd sakini Qasımov Anar Şakir oğlunun idarə etdiyi "VAZ-2107" markalı minik avtomobili ilə toqquşub.

Qəza nəticəsində hər iki sürücü müxtəlif dərəcəli bədən xəsarətləri alıb. Yaralılar dərhal Göyçay Rayon Mərkəzi Xəstəxanasının Travmatologiya şöbəsinə çatdırılıb.

Faktla bağlı araşdırma aparılır.