Göyçayda yol qəzası: xəsarət alanlar var

Göyçay rayonunda yol qəzası baş verib. Avtosfer.az-ın "Report"a istinadən məlumatına görə, hadisə bu gün axşam saatlarında Bakı-Şamaxı-Yevlax avtomobil yolunun 194-cü km-də, Göyçayın Qaraməryəm kəndində qeydə alınıb. Belə ki, rayonun Şahsoltanlı kənd sakini Şaban İsmayılov idarə etdiyi "VAZ-2106" markalı minik maşını hərəkətdə olarkən qarşı tərəfdən gələn İsmayıllı rayon, Qubaxəlilli kənd sakini Səbuhi Məmmədovun idarə etdiyi avtomobillə toqquşub. Qəza nəticəsində sürücülər müxtəlif dərəcəli xəsarətlər alıblar.

Faktla bağlı araşdırma aparılır.