Göygöldə yol qəzası: ölən və yaralananlar var - FOTO

Göygöl rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Yeni Qızılca kəndində qeydə alınıb. Belə ki, "VAZ-2106" və "VAZ-21011" markalı iki avtomobil toqquşub. Nəticədə hər iki sürücü Gəncə şəhər Təcili Tibbi Yardım Xəstəxanasına yerləşdirilib. Onların vəziyyətinin orta-ağır olduğu bildirilir. Avtomobillərdən birinin sərnişini Qənifə Aslan qızı Quliyeva isə hadisə yerində ölüb. Faktla bağlı araşdırma aparılır.