Hacıqabulda ağır yol qəzası: 2 ölü, 4 yaralı

Bakı-Qazax magistral yolunda ölümlə nəticələnən yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Hacıqabul rayonunun Atbulaq kəndi ərazisində qeydə alınıb. Bildirilir ki, "Mercedes Vito" markalı mikroavtobus"KaMAZ" markalı yük maşınına dəyərək aşıb.Nəticədə iki nəfər hadisə yerində dünyasını dəyişib, daha 4 nəfər xəsarət alıb. Onlardan ikisi azyaşlıdır. Yol qəzasının təfərrüatlarını Baş DYP İdarəsinin istintaqçıları araşdırır.