Hacıqabulda ağır yol qəzasında ər-arvad xəsarət alıb

Hacıqabul rayonunda ağır yol-nəqliyyat hadisəsi baş verib. Avtosfer.az-ın “Report”a istinadən məlumatına görə, hadisə Bakı-Qazax magistralının rayonun Atbulaq kəndi ərazisindən keçən hissəsində qeydə alınıb.

Bakı sakini, 1969-cu il təvəllüdlü Rafiq Nuru oğlu Hüseynovun idarə etdiyi "VAZ-2106" markalı avtomobil təkərinin partlaması nəticəsində yoldan çıxaraq aşıb.

Nəticədə sürücü və avtombildə olan həyat yoldaşı, 1962-ci il təvəllüdlü Dilşad Mürsəl qızı Xıdırova müxtəlif dərəcəli xəsarətlərlə Şirvan Şəhər Xəstəxanasına yerləşdirlib. Sonuncu kəllə-beyin travması ilə xəstəxananın Reanimasiya şöbəsinə köçürülüb.

Faktla bağlı araşdırma aparılır.