Hacıqabulda avtomobil yük maşınına çırpıldı, ölən və yaralanan var - FOTO - YENİLƏNİB

Hacıqabulda avtomobil qəzasında ölənin şəxsiyyəti məlum olub.

APA-nın hadisə yerində olan müxbirinin verdiyi xəbərə görə, dünyasını dəyişən şəxs Hacıqabul rayon sakini, 1971-ci il təvəllüdlü Abuzərli Ağabəy Dursun oğludur.

***

Hacıqabulda bir nəfərin ölümü, bir nəfərin isə yaralanması ilə nəticələnən yol qəzası baş verib.

Hadisə Bakı-Qazax magistral yolunun rayonun Pirsaat qəsəbəsi ərazisindən keçən hissəsində qeydə alınıb.

Belə ki, minik avtomobili qarşıda gedən “KAMAZ” markalı yük maşınının arxa hissəsinə çırpılıb.

Qəza sonucunda bir nəfər hadisə yerində ölub. Bir nəfər isə Hacıqabul rayon sakini, 1961-ci il təvəllüdlü Əsgərov Bəxtiyar Əsgər oğlu müxtəlif dərəcəli xəsarətlər alıb. O, Şirvan Şəhər Mərkəzi Xəstəxanasına yerləşdirilib.

Hazırda ölənin kimliyi dəqiqləşdirilir.

Faktla bağlı araşdırma aparılır. (report)