Hacıqabulda iki maşın toqquşdu: 4 nəfər xəsarət alıb

Hacıqabulda yol qəzası olub. Avtosfer.az-ın ONA-ya istinadən verdiyi məlumata görə, hadisə Hacıqabul-Bəhrəmtəpə yolunda qeydə alınıb. Mamed Budaqovun idarə etdiyi “Mercedes” markalı, 41 BC 119 dövlət nömrə nişanlı maşın “Lada” markalı, K 918 MP 30 Rusiya qeydiyyat nişanlı avtomobillə toqquşub. Qəza nəticəsində 4 nəfər xəsarət alıb. Onlardan ikisinə hadisə yerində yardım göstərilib, daha iki nəfər isə Şirvan şəhər Xəstəxanasına yerləşdirilib.

Faktla bağlı araşdırma aparılır.