Hacıqabulda zəncirvari qəza: üç avtomobil toqquşub

Hacıqabulda zəncirvari avtomobil qəzası baş verib. Avtosfer.az-ın ONA-ya istinadən məlumatına görə, hadisə Bakı-Qazax magistralının Hacıqabul rayonunun Muğan qəsəbəsi ərazisindən keçən hissəsində qeydə alınıb. “Mercedes” markalı yük, “Nissan” və “VAZ-2106” markalı minik avtomobillərinin toqquşması nəticəsində sonuncunun sürücüsü, Hacıqabul rayonunun Udulu kənd sakini, 1964-cü il təvəllüdlü Baba Mürvət oğlu Abdullayev ağır xəsarət alaraq Şirvan şəhər xəstəxanasına yerləşdirilib. Faktla bağlı araşdırma aparılır.