Həftəsonu yol qəzalarında 5 nəfər ölüb

Həftəsonu Azərbaycanda yol qəzalarında 5 nəfər ölüb. Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, dekabrın 10-11-də respublikanın avtomobil yollarında ölümlə nəticələnən 5 yol-nəqliyyat hadisəsi qeydə alınıb.

Nəticədə 5 nəfər dünyasını dəyişib.

Dekabrın 10-da saat 18 radələrində Yevlax rayonunun Hürüuşağı kəndi ərazisində Mingəçevir şəhər sakini Z.Əliyevin idarə etdiyi “Opel” və Bakı şəhər sakini C.Həşimovun idarə etdiyi “Hyundai” markalı avtomobillər toqquşub. Nəticədə xəsarətlə xəstəxanaya yerləşdirilən Z.Əliyevin orada ölüb.  Yevlax Rayon Polis Şöbəsində araşdırma aparılır.

Dekabrın 11-də saat 13 radələrində Goranboy rayonunun Səfikürd kəndi ərazisində rayon sakini İ.Zeynalovun idarə etdiyi “Geely” və Samux rayon sakini D.Məmmədovun idarə etdiyi “VAZ-21099” markalı avtomobillər toqquşub. Nəticədə “VAZ-21099” markalı avtomobildə olan sərnişin P.Rəhimli hadisə yerində ölüb. Goranboy Rayon Polis Şöbəsində araşdırma aparılır.