Helikopter qəzaya uğradı, beş nəfər öldü

Tanzaniyada helikopterin qəzaya uğraması nəticəsində beş nəfər həlak olub.

Avtosfer.az xəbər verir ki, bu barədə "Associated Press" yerli polisə istinadən xəbər yayıb.

Məlumata görə, qəza Kilimancaro dağında baş verib. Helikopter yardıma ehtiyacı olan turistləri təxliyə etmək üçün zirvəyə qalxıbmış.

Açıqlamada bildirilir ki, hadisə zamanı nəqliyyat vasitəsində iki xarici vətəndaş, həkim, bələdçi və pilot olub.

Helikopterin Barafu və Kibo düşərgələri arasında təxminən 4000 metr yüksəklikdə qəzaya uğradığı qeyd edilir.

Faciə ilə bağlı araşdırma aparılır.