Hərbi helikopter qəzaya uğradı: 5 ölü

Ukraynanın Rovenskaya vilayətində Mi-8 hərbi helikopteri qəzaya uğrayıb, 5 nəfər ölüb. Avtosfer.az-ın ONA-ya istinadən məlumatına görə, bu barədə Ukrayna Silahlı Qüvvələrinin Quru Qoşunlarının mətbuat xidmətinin “facebook” səhifəsində məlumat qeyd olunub. “Aviaqəza zamanı 4 nəfər ekipaj üzvü ilə bərabər bir komandir həlak olub”,-deyə məlumatda bildirilir. Qeyd edilir ki, helikopterlə ötən gün yerli vaxtla saat 23:27-də əlaqə itib. Hazırda xilasedici xidmət və hüquq mühafizə orqanları hadisə yerində işləyir. Qəzanın başvermə səbəbləri araşdırılır.