Hindistanda qırıcı təyyarə qəzaya uğradı

Hindistanda "Tejas Light Combat Aircraft" (LCA) qırıcısı qəzaya uğrayıb.

Avtosfer.az xəbər verir ki, bu barədə "The Economic Times" qəzeti mənbələrə istinadən məlumat yayıb.

Nəşrin məlumatına görə, hadisə ayın əvvəlində aviabazaların birində təyyarə təlim uçuşundan sonra eniş edərkən baş verib.

Bildirilir ki, qırıcı ciddi zədələnib və ehtimal ki, istismardan çıxarılacaq, pilot isə ciddi xəsarətlər alıb, lakin xilas ola bilib.