İki avtomobil toqquşdu, 1-i yandı: 6 ölü, 2 yaralı - FOTO

Ukraynanın Donetsk-Zaporojye magistralında “Daewoo Lanos” və “Chevrolet Lacetti” markalı avtomobillərin toqquşması nəticəsində ağır yol qəzası baş verib. Avtosfer.az xəbər verir ki, bu barədə yerli KİV məlumat yayıb. Toqquşmanın şiddətindən “Chevrolet Lacetti” markalı avtomobildə yanğın baş verib. Qəza nəticəsində 5 nəfər hadisə yerində ölüb, 3 nəfər isə xəsarət alıb.

Yaralılar hadisə yerinə çağırılan Təcili Tibbi Yardım maşınları ilə Kuraxovskiy Dövlət Xəstəxanasına aparılıblar. Xəstəxanadan bildirilib ki, yaralılardan biri aldığı xəsarətlərdən dünyasını dəyişib.

Polis qəza ilə bağlı araşdırma aparır.

Namiq