İki avtomobil toqquşdu: Sürücü yanaraq ÖLDÜ

Türkiyənin Tekirdağ vilayətinin Çorlu rayonunda iki minik avtomobilinin toqquşması nəticəsində ağır qəza baş verib.

Avtosfer.az HaberGlobal-a istinadla xəbər verir ki, hadisə Çorlu Dairəvi Yolunun Hatip məhəlləsi ərazisində qeydə alınıb.

İsmayıl Erdoğdunun idarə etdiyi avtomobil qarşıdan gələn U.K.-nın idarə etdiyi avtomobillə toqquşub. Toqquşmadan sonra Erdoğdunun olduğu avtomobil yanıb və sürücü maşında sıxılaraq həyatını itirib.

Digər avtomobilin sürücüsü U.K. və onun 4 yaşlı övladı xəsarət alaraq xəstəxanaya yerləşdirilib. Qəza ilə bağlı jandarma araşdırma aparır.