İki kruiz layneri toqquşub

Argentinanın paytaxtı Buenos-Ayres şəhərinin limanında "Orkestr" (Orchestra) və "Poeziya" (Poesía) kruiz laynerləri toqquşub. Avtosfer.az-ın Trend-ə istinadən verdiyi məlumata görə, hər iki layner Panamada qeydiyayt edilib və "MSC" şirkətinə məxsusdur. Argentina dəniz prefekturasının məlumatına əsasən, Rio-de-Janeyroya gedən "Orkestr" layneri limandan çıxmaq istəyərkən lövbərdə dayanan "Poeziya" laynerinə çırpılıb.

Qeyd edilir ki, gəmilərə yüngül zərər dəyib, insident limanın işinə təsir göstərməyib.