İki yük maşını toqquşdu: 30-dan çox yaralı

Kubanın qərbindəki Pinar-del-Rio əyalətində iki yük maşını toqquşub. Avtosfer.az-ın Trend-ə istinadən məlumatına görə, yük maşınlarından biri sərnişin daşıyırmış.

Hadisə nəticəsində azı 32 nəfər xəsarət alıb. Onlardan 12 nəfəri azyaşlı olub.

Xəsarət alanların hamısı xəstəxanaya yerləşdirilib. Bəzilərinin vəziyyətinin ağır olduğu deyilir.

Hazırda qəzanın səbəbləri araşdırılır.