İranda baş verən yol qəzalarında: 9 ölü, 24 yaralı - FOTO

İranın cənubunda yerləşən Fars vilayətində Bəhmən-Xosrov Şirin istiqamətində ağır yol qəzası baş verib. Avtosfer.az-ın Trend-ə istinadən məlumatına görə, bunu İranın Fars vilayəti Şimal yol polis rəisi polkovnik Əbdülhaşim Dehqani deyib. Ə.Dehqaninin sözlərinə görə, "Pride" və "Samand" markalı minik avtomobili pikapla toqquşub. Hadisə nəticəsində 6 nəfər həlak olub, 4 nəfər isə yaralanıb. Şiraz-Səadətşəhr istiqamətində hərəkət edən avtobusun aşması nəticəsində isə 17 nəfər yaralanıb. Yaralılar xəstəxanaya yerləşdirilib.

İranın cənub-şərqində yerləşən Sistan və Bəluçestan vilayətində isə Zahidan-Xaş magistralında iki minik avtomobili toqquşub. Nəticədə 3 nəfər həlak olub, 3 nəfər isə yaralanıb.