Kənar Dairəvi yolda qəza - Sürüşən “KIA” nova düşdü - VİDEO

Paytaxtın Yasamal rayonunda yol-nəqliyyat hadisəsi baş verib.

Avtosfer.az-ın məlumatına görə, qəza fevralın 24-də səhər saatlarında Kənar Dairəvi yolda qeydə alınıb. Hərəkətdə olan 50-ER-801 dövlət nömrə nişanlı “KIA Sorento” markalı avtomobil qəzaya düşüb. Hadisə şahidlərinin iddiasına əsasən qəzaya səbəb əlverişsiz qarlı hava şəraiti olub. Nəticədə buzlu yolda sürüşən maşın nova düşüb. Uzun cəhdlərdən sonra sürücü maşını ərazidən çıxararaq yoluna davam edib. 

Təəssüflə qeyd edək ki, bəzi sürücülər əlverişsiz havanı nəzərə almadan sükan arxasına keçirlər. Belə qəzaların baş verməməsi üçün sürücülər qaydalara riayət etməklə yanaşı qış təkərlərindən istifadə önəmlidir. 

Nərmin