Kürdəmirdə avtomobil piyadanı vuraraq xəsarət yetirib

Kürdəmir rayonunda piyadanın xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə rayonun Babək küçəsində qeydə alınıb.  Belə ki, Atakişili kənd sakini, 1955-ci il təvəllüdlü Yaşar Hüseyn oğlu Salmanov yolu qarşı tərəfə keçmək istəyən zaman "Mercedes" markalı avtomobil tərəfindən vurulub. Yaralı Kürdəmir rayon Mərkəzi Xəstəxanasına çatdırılıb və Travmatologiya şöbəsinə yerləşdirilib.

Faktla bağlı araşdırma aparılır.