Lənkəranda piyadanı maşın vurdu

Lənkəranda qəzada piyada xəsarət alıb. Avtosfer.az-ın "Unikal"a istinadən məlumatına görə, hadisə Lənkəran şəhərinin "Qala Xiyabanı" ərazisində qeydə alınıb. Hərəkətdə olan minik avtomobili piyada olan 1995-ci il təvəllüdlü Gülbəniz Rasim qızı Ələkbərovanı vurub. Müxtəlif dərəcəli bədən xəsarətləri alan yaralı dərhal Lənkəran rayon mərkəzi xəstəxanasının təcili yardım şöbəsinə hospitalizasiya olunub. Həkimlər ona sol üz və sol bud nahiyəsinin qapalı zədələnməsi diaqnozu qoyublar. Müalicəsi xəstəxanada davam etdirilir. 
Faktla bağlı araşdırma aparılır.