Lənkəranda zəncirvari yol qəzası: 4 nəfər xəsarət alıb - FOTO

Lənkəran rayonunda zəncirvari yol qəzası baş verib. Avtosfer.az-ın "Report"a istinadən məlumatına görə, hadisə Lənkəran-Boradigah avtomobil yolunun rayonun Veravul kəndindən keçən hissəsində qeydə alınıb. Belə ki, Qumru Həsənovun idarə etdiyi "VAZ-2107" markalı avtomobil iki motosikletlə  toqquşub. Nəticədə motosikletin sürücüləri və sənişinləri - Masallı rayonunun Köçəkli kənd sakinləri, 1994-cü il təvəllüdlü Fərəc Yədulla oğlu Rəhimli, 1995-ci il təvəllüdlü Cahangir Məhəmməd oğlu Bəhlulov, 1995-ci il təvəllüdlü Hüseyn Əlamət oğlu Mirəzizov və 2002-ci il təvəllüdlü Söhbət Həybət oğlu Orucov müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıblar. Onlardan F.Rəhimli və C.Bəhlulovun vəziyyətləri orta-ağır olaraq qiymətləndirilir.

Faktla bağlı araşdırma aparılır.