Lökbatan yolunda qəza: Üç maşın toqquşdu, bir nəfər yaralandı - VİDEO

Paytaxtın Qaradağ rayonu, Lökbatan yolunda zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 4-də, saat 08:30 radələrində qeydə alınıb. Belə ki, hərəkətdə olan 44-CK-261 dövlət nömrə nişanlı “Honda” markalı, 77-MJ-015 dövlət nömrə nişanlı “Ford Fusion” markalı və 01-CJ-516 dövlət nömrə nişanlı “Hyundai” markalı avtomobillər toqquşub. Hadisə nəticəsində hər üç nəqliyyat vasitəsinə maddi ziyan dəyib, sürücülərdən biri - Qurbanov Hidayət Ələsgər oğlu müxtəlif dərəcəli bədən xəsarətləri alıb.

Qeyd edək ki, əraziyə polis əməkdaşları və təcili tibbi yardım briqadası cəlb olunub.

Faktla bağlı araşdırma aparılır. 

Nərmin