Lökbatanda üç maşın toqquşdu, xeyli sayda yaralı var - VİDEO

Paytaxtın Qaradağ rayonu, Lökbatan qəsəbəsində ağır yol-nəqliyyat hadisəsi baş verib.

Avtosfer.az-ın məlumatına görə, qəza mayın 27-idə saat 23:00 radələrində qeydə alınıb. Belə ki, Samir Ağabəyovun idarə etdiyi “MAN” markalı yük maşını, Anar Nuriyevin idarə etdiyi “Azsamand” markalı və “VAZ-2106” markalı avtomobillərlə toqquşub. Hadisə nəticəsində hər üç nəqliyyat vasitəsinə maddi ziyan dəyib, sürücülər və sərnişinlər arasında xəsarət alanlar var. Yaralılar dərhal xəstəxanaya yerləşdiriliblər. Hazırda müalicələri davam etdirilir.

Qeyd edək ki, hadisə yerinə polis əməkdaşları və evakuator cəlb olunub. Faktla bağlı araşdırma davam edir. 

Nərmin