Masallıda minik avtomobili “KamAZ”la toqquşub, yaralanan var

Masallı rayonunun Ərkivan qəsəbəsində “Toyota” markalı minik avtomobili ilə “KamAZ” yük maşınının toqquşması nəticəsində bir nəfər yaralanıb.

Avtosfer.az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, 1 nəfər nəqliyyat vasitəsində sıxılmış vəziyyətdə qalıb:

“Həyata keçirilən xilasetmə tədbirləri nəticəsində 1 nəfər müxtəlif xəsarətlərlə zədələnmiş minik avtomobilindən çıxarılaraq təcili tibbi yardım briqadasına təhvil verilib”.