Masazırda qayda pozan gənc mopedi maşına çırpdı - ANBAAN VİDEO

Abşeron rayonu, Masazır qəsəbəsi, Əliağa Vahid küçəsində baş vermiş yol qəzası anbaan avtomobilin kamerasına düşüb

Avtosfer.az-ın məlumatına görə, hadisə iyulun 21-də saat 15:46 radələrində qeydə alınıb. Videodan da göründüyü kimi, moped maşınla toqquşub. Belə ki, mopedi idarə edən gənc oğlan önündəki maşını ötməyə çalışıb. Lakin sürücünün bu cəhdi qəzayla nəticələnib. Belə ki, o, sola dönən avtomobilə çırpılaraq sükanı buraxıb və yerə yıxılıb. Xoşbəxtlikdən hadisə zamanı sürücü və sərnişin xəsarət almayıb. 

Qeyd edək ki, moped sürücülərinin avtomobillə yan-yana hərəkət etmələri qanunla qadağandır. Eyni zamanda qanunvericiliyə əsasən, moped idarə edən şəxslər yolun yalnız sağ tərəfiylə getməlidirlər.

Nərmin