Maşın aşdı - 3 yaşlı uşaq öldü - Azərbaycanda - FOTO

Şamaxıda ağır yol qəzası baş verib.

Avtosfer.Az qafqazinfo-ya istinadən xəbər verir ki, Şamaxı-Pirqulu yolunun Qızmeydan kəndi ərazisindən keçən hissəsində "Vaz 2107" markalı avtomobil dərəyə aşıb. Nəticədə bir neçə dəfə yuvarlanan maşındakı 3 yaşlı oğlan uşağı dünyasını dəyişib.

Avtomobilin sürücüsü və digər sərnişinlər yaralanıblar. Ölən və yaralananların şəxsiyyəti müəyyən edilir.

Qeyd edək ki, qəzaya səbəb sürücünün idarəetməni itirməsi olub.