Maştağada əks yola çıxan “Jeep” və yük maşını toqquşdu - ANBAAN VİDEO

Paytaxtın Sabunçu rayonu, Maştağa qəsəbəsində baş verən yol-nəqliyyat hadisəsi təhlükəsizlik kamerasına düşüb.

Avtosfer.az-ın məlumatına görə, qəza iyulun 10-da səhər saatlarında Mehdi Hüseynzadə küçəsində qeydə alınıb. Belə ki, 99-NQ-935 dövlət qeydiyyat nişanlı “Ford” markalı yük avtomobili ilə 77-TQ-037 dövlət qeydiyyat nişanlı “Jeep” markalı minik avtomobili toqquşub.

Görüntülərdən məlum olur ki, ara küçədən əsas yola çıxan “Jeep”in sürücüsü yol vəziyyətini tam qiymətləndirmədən birbaşa əks istiqamətli hərəkət zolağına daxil olur. Bu zaman yaxınlaşmaqda olan “Ford”un sürücüsü qəzadan yayınmaq üçün yanlış manevr edir. Belə ki, o, sağa manevr etmək əvəzinə avtomobilin getdiyi istiqamətdə hərəkət edərək əks yola çıxıb. Nəticədə hər iki nəqliyyat vasitəsi toqquşaraq yolun kənarına düşüb.

Hadisə zamanı xəsarət alan olmasa da, hər iki avtomobilə ciddi maddi ziyan dəyib.

Nərmin