Mehdiabadda avtomobillə vurulan piyada xəstəxanada ölüb

Yol-nəqliyyat hadisəsi zamanı xəsarət almış Bakı şəhər sakini Mətləb Əliyev yerləşdirildiyi xəstəxanada dünyasını dəyişib. Daxili İşlər Nazirliyindən Avtosfer.az-a verilən məlumata görə, mayın 18-də saat 21 radələrində Abşeron rayonunun Mehdiabad qəsəbəsi ərazisində Sumqayıt şəhər sakini A.Məmmədov idarə etdiyi “Toyota” markalı avtomobillə yolu keçən Bakı şəhər sakini Mətləb Əliyevi vurub. Nəticədə xəstəxanaya yerləşdirilmiş piyada orada dünyasını dəyişib. Abşeron RPİ tərəfindən araşdırma aparılır.