Məktəb avtobusu dərəyə yuvarlandı: 7 ölü

Hindistanın şimalındakı Himaçal Pradeş ştatında məktəb avtobusunun dərəyə yuvarlanması nəticəsində altısı uşaq olmaqla, 7 nəfər ölüb. Avtosfer.az xəbər verir ki, bu barədə "Report" "Hindustan Times"a istinadən məlumat verir. Hadisə yerli vaxtla saat 08:30 radələrində baş verib. Qeyd olunur ki, nəqliyyat vasitəsinin sürücüsü də qəzanın qurbanı olub. 11 şagird isə xəsarət alıb. Onlar xəstəxanaya yerləşdiriliblər.