“Mercedes” digər avtomobillə toqquşaraq aşdı - Bir ailənin 4 üzvü yaralandı

Mingəçevir - Xaldan avtomobil yolunun Yevlax rayonu ərazisindən keçən hissəsində “Mercedes” markalı avtomobilin aşması nəticəsində bir ailənin 4 üzvü xəsarət alıb. Avtosfer.az ”Report”a istinadən xəbər verir ki, hadisə rayonun Havarlı və Hacıselli kəndləri arasında baş verib. “Mercedes” hərəkətdə olan zaman digər avtomobillə toqquşaraq aşıb. Nəticədə maşında olan bir ailənin dörd üzvü – sürücü, onun anası, həyat yoldaşı və azyaşlı övladı müxtəlif dərəcəli bədən xəsarətləri alıb. Xəsarəti ciddi olan 1975-ci il təvəllüdlü sürücü Şahməmmədov Eldəniz Şahməmməd oğlu və 1954-cü il təvəllüdlü anası Şahməmmədova Şahbəyim İsa qızı Mingəçevir Şəhər Xəstəxanasına yerləşdirilib. Qəzadan yüngül xəsarətlə xilas olan azyaşlı uşaq və anası isə ilkin tibbi yardım göstərilərək evə buraxılıb.

Faktla bağlı araşdırma aparılır.